Marjun Lómaklett prædikar á ólavsøku

Marjun Lómaklett skal prædika í Havnar kirkju á ólavsøku.

Tann elsti av teimum yngru prestunum í embæti í føroysku fólkakirkjuni hevur gudstænastuna á ólavsøku. 

Í ár er Marjun Lómaklett presturin.

Í apríl 2015 tók Marjun við embætinum sum sóknarprestur í Norðoya vestara prestagjaldi. Hon hevur eisini eitt skifti virkað sum integratiónsprestur.

Marjun Lómaklett var prestvígd í januar 2002 í Aalborg dómkirkju.

Hennara fyrsta kall var í Sæby í Norðurjútlandi. 

Marjun búði í nógv ár í Katar og Sameindu arabisku emiratunum, har hon virkaði sum óløntur hjálparprestur í Anglikansku kirkjuni og norsku-svensku sjómanskirkjuni, stendur á heimasíðuni hjá fólkakirkjuni.