- Tíðindi, mentan og ítróttur
Forkvinnan stendur fyri vali
Forkvinnan stendur fyri vali
Útvarpið skilir, at eitt annað valevni er til forfólkasessin í Havnar arbeiðskvinnufelag, men valevnini verða ikki kunngjørd fyrr enn á sjálvum aðalfundinum
Vigdis Johannesen, forkvinna í Havnar arbeiðskvinnufelag, stendur fyri vali á aðalfundinum, sum verður 5. juli.
Mynd: Bjarni Árting Rubeksen
20.06.2024 - 12:20
Havnar arbeiðskvinnufelag hevur aðalfund fríggjadagin 5. juli.
Á skránni er m.a. val av formanni, har Vigdis Johannesen, forkvinna, stendur fyri vali.
Útvarpið skilir, at eitt annað valevni er til forfólkasessin.
Vigdis Johannesen vil ikki vátta hetta.
Kunngjørt á aðalfundinum
Hon sigur, at siðvenja er í Havnar arbeiðskvinnufelag, at valevnini verða ikki kunngjørd fyrr enn á sjálvum aðalfundinum.
Tveir nevndarlimir og tveir tiltakslimir skulu veljast, og aðalfundurin skal eisini taka støðu til løn til forfólk, skrivara og hinar nevndarlimirnar.
Aðalfundurin skal harumframt taka støðu til uppskot um lógarbroyting í sambandi við valbæri til nevndina.
Aðalfundurin verður 5. juli kl. 17 á Hotel Føroyum.
Er kopiera
Nýggjastu sendingar í ÚV
Nýggjastu sendingar í SV
