- Tíðindi, mentan og ítróttur
Kongshjúnini vitja næsta ár í staðin
Kongshjúnini vitja næsta ár í staðin
Vitjanin skuldi vera í summar, men verkfall gjørdi, at hon var útsett
Fríðrikur kongur og Mary drotning koma á vitjan í juni næsta ár.
21.06.2024 - 14:10
Úsetta vitjanin hjá Fríðriki kongi og Mary drotning verður frá 11. til 13. juni næsta ár.
Tað hava Løgmansskrivstovan og Kongshúsið gjørt av.
Nógv fólk løgdu orku í at seta saman eina spennandi og fjølbroytta skrá til vitjanina, sum upprunaliga skuldi vera 12.-14. juni í ár, sigur Løgmansskrivstovan.
Vitjanin var avlýst, tí verkfall var.
Ætlanin er at hava somu skrá fyri vitjanina næsta summar. Kongshjúnini vitja í Havn, Vági, Fámjin, á Tvøroyri og á Eiði.
Hetta verður fyrsta vitjanin hjá Fríðriki kongi og Mary drotning í Føroyum, síðani Fríðrikur kongur tók við trónuni.
Er kopiera
Nýggjastu sendingar í ÚV
Nýggjastu sendingar í SV
