Nú ber til at søkja um miðlastuðul

Freistin at søkja um miðlastuðul til skjalprógvaðar lønarútreiðslur er fríggjadagin 30. august á middegi.

Freistin at søkja um miðlastuðul til ítøkiligar verkætlanir er fríggjadagin 27. september kl. 12.00.

Tað skrivar Almanna- og mentamálaráðið á heimasíðu sínari.

Allir sjálvstøðugir miðlar, ið hava ein ábyrgdarhavandi redaktør, og sum millum annað hava breitt redaktionelt tilfar, ið vendir sær til ein breiðan skara av brúkarum við aktuellum tíðindatilfari, kunnu søkja.

2,9 milliónir krónur eru settar av á fíggjarlógini til miðlastuðul 2024.

30 prosent av játtanini verða latin grundað á lønarútreiðslur hjá viðkomandi miðlum í fjør.

70 prosent av játtanini verða latin verkætlanum, ið leggja seg eftir at gera loftborið ella skrivligt tilfar við journalistiskari dygd og samfelagsligum virði, skrivar Almanna- og mentamálaráðið.