- Tíðindi, mentan og ítróttur
Færri ferðafólk í Íslandi
Færri ferðafólk í Íslandi
Ísland hevur altíð verið dýrt, men nú er landið vorðið dýrari enn til dømis Noreg og Finnland
Marknaðarførslan hjá ferðavinnuni er heldur ikki líka góð sum hjá londum, Ísland kappast við, sigur ferðavinnustjórin. (Savnsmynd: Iceland Magazine)
11.07.2024 - 08:19
Ísland er ikki longur so væl umtókt hjá ferðafólki, sum tað var.
- Orsøkin er prísirnir, sigur Arnar Már Ólafsson, ferðavinnustjóri, við RUV.
Ísland hevur altíð verið dýrt, men nú er landið vorðið dýrari enn til dømis Noreg og Finnland.
- Marknaðarførslan hjá ferðavinnuni er heldur ikki líka góð sum hjá londum, Ísland kappast við, sigur ferðavinnustjórin.
Tølini staðfesta tað, sum ferðavinnustjórin sigur.
Færri flúgva
Icelandair sigur, at ferðafólkatalið minkaði 16 prosent í juni, sammett við juni í fjør.
Eisini gistingarhúsini og onnur gistingarstøð, so sum tjaldstaðir, boða frá 18 prosentum færri gistingum í mai, skrivar RUV.
Ferðavinnustjórin sigur, at nógvu jarðsskjálvtarnir og nógvu eldgosini fingu ferðafólk at setast aftur.
- Men neiligu avleiðingar eru kortini ikki so ringar, sigur Arnar Már Ólafsson, ferðavinnustjóri, við RUV.
Er kopiera
Nýggjastu sendingar í ÚV
Nýggjastu sendingar í SV
