Søkja eftir búskaparfrøðingi til príseftirlit

Kappingareftirlitið søkir eftir búskaparfrøðingi til millum annað at umsita príseftirlit, nú avgjørt er at príseftirlit skal setast á stovn.

Starvið fevnir í høvuðsheitum um at gera búskaparligar greiningar í sambandi við marknaðarkanningar, kanningar av vinnulívsgreinum og í sambandi við brot á kappingarlógina. 

Í løtuni hava vit einki príseftirlit í Føroyum, men løgtingið hevur samtykt at geva Kappingareftirlitinum heimild at hava eftirlit við prísunum í Føroyum, og peningur er settur av til endamálið.

Kappingareftirlitið hevur fingið fleiri heimildir og víðkað virkisøki í kappingarlógini til at hava betri eftirlit við prísi.

Tað hevur fingið betri amboð at regulera møgulig lógarbrot.

Fleiri amboð

Tað fær fleiri amboð at fremja virkna kapping, millum annað við marknaðargreiningum, tá ábendingar eru um, at kappingin á einum marknaði ikki virkar.

Tað kann vera, tí prísirnir ella vinningurin eru ov stórir.

Tann, ið verður settur í starvið, skal byrja í starvinum 1.september í ár, ella skjótast til ber. 

Evstamark at søkja starvið er mánadagin 22.juli.