Nýggjur grunnur skal fíggja yrkisútbúgving, siga fakfeløg

Fakfeløgini Samverk og Havnar handverkarafelag mæla til at stovna yrkisútbúgvingargrunn, sum arbeiðsgevarar og løntakarar rinda í.

ALS kann umsita ein slíkan grunn, halda feløgini.

Grunnurin kann millum annað umsita lønarendurgjald til arbeiðsgevarar, tá lærlingar teirra eru í skúla. 

Stýrið fyri grunnin ger av, um lønarendurgjaldið skal vera 70, 80, 90 ella 100 prosent.

Grunnurin kann fíggja próvdómarar og Yrkisdepilin.

Grunnurin skal snøgt sagt bera kostnaðin av øllum tí, sum hevur við yrkisútbúgvingar at gera, tó ikki sjálvar skúlarnar. 

Tey 0,2 prosentstigini, sum ALS stýrið vil hava inngjaldið lækkað, kunnu fara í Yrkisútbúgvingargrunnin, umframt onnur 0,2 prosent, so inngjaldið verður 0,4 ella 0,5 prosent.

Haraftrat skal koma eitt stovnsgjald frá ALS, sum er 100 mió. kr., halda Samverk og Havnar handverkarafelag.