Fótbóltsfepur í Klaksvík

Veðrið er gott til fótbólt og hópurin styrktur, nú flestu spælarar eru tøkir eftir skaða. Tað sigur formaðurin í KÍ undan dystinum móti svenska meistaraliðnum Malmø FF, sum verður spældur í Klaksvík klokkan 19:45 í kvøld.

1250 atgongumerki eru til Champions League dystin, og tey allar flestu eru seld. Umleið 40-50 fjepparar eru komnir úr Svøríki, og harumframt hava sviar, sum halda summarfrí í Føroyum, keypt nøkur atgongumerki.

Malmø FF vann fyrra dystin 4-1, so tí er útgangsstøðið ikki tað besta hjá KÍ.

-Men vit trúgva uppá tað, og vit hava fyrr tikið mótstøðulið á bóli, sigur Tummas Lervig.   

Kringvarpið vísir dystin millum KÍ og Malmø á heimasíðuni. Vit byrja at senda klokkan 19:35.