Fimm fólk vilja vera skúlastjóri á Skúlatrøð í Klaksvík

Fimm fólk vilja vera skúlastjóri á Skúlatrøð í Klaksvík.

Tað skrivar Skúlablaðið á heimasíðuni.

Freistin at søkja skúlastjórastarvið á Skúlatrøð í Klaksvík var úti 1. august, og nýggjur stjóri skal setast frá 1. september ella skjótast eftir tað.

Komandi skúlaár vera íalt 751 næmingar innskrivaðir í 1.-10. flokk á Skúlatrøð. Starvsfólkini telja umleið 80 ársverk.

Nýggjur stjóri skal setast fyri Vagn Foldbo, sum er farin í annað starv.