Eingi tekin um at Golfstreymurin viknar

Hóast gransking aðrastaðni rør framundir tað, so geva mátingar hjá Havstovuni ongar ábendingar um, at Golfstreymurin er við at vikna og minka burtur í einki

Ongar ábendingar eru um, at Golfstreymurin viknar, sigur Karin Margreta Húsgarð Larsen, deildarleiðari á Havstovuni

Mynd: Bjarni Árting Rubeksen

Annika Bolton Mortensen

06.08.2024 - 19:07

Tað hevur leingi verið stúrt fyri, at tað, at grønlendski innlandsísurin bráðnar, fer at ávirka Golfstreymin, sum gevur okkum okkara lutfalsliga lýggja veðurlag um veturin. Nú vísir nýggj gransking frá lærda háskúlanum í Utrecht í Niðurlondum, at Golfstreymurin viknar og er í vanda fyri at steðga upp kanska longu í 2030'unum. Hetta hevði broytt veðurlagið í Føroyum og øllum norðurevropa munandi.

Men granskingin í Utrecht samsvarar ikki við granskingina hjá Havstovuni. Karin Margreta Húsgarð Larsen, deildarleiðari á Havstovuni, sigur, at tey ikki síggja nakað til, at havstreymurin minkar. Havstovan hevur mátað streym í 30 ár.

Hoyrið samrøðu við Karina Margretu Húsgarð Larsen her:

Golfstreymurin