Føroyskur bátur undir illgruna fyri smugling

Illgruni er um, at ein skjóttgangandi bátur úr Føroyum er blandaður upp í innsmugling av rúsevnum í Íslandi

Tað skrivar íslendski tíðindamiðilin RÚV.

Stór politiatsókn var í Høfn í Hornafjørði í gjár vegna illgruna um rúsevnissmuling við bátinum, sum kom úr Føroyum um middagsleitið.

Sambært miðlinum siga keldur, at tveir persónar eru afturhildnir í sambandi við málið. 

Løgreglan fekk illgruna til manningina umborð á bátinum undir tolleftirliti í gjár. 

- Kanningararbeiðið er ikki komið langt og tí ber ikki til at siga meira, men løgreglan hevur fingið hjálp frá høvuðskanningareindini í Reykjavík, sigur Kristján Rúnarsson, leiðandi løgreglumaður í økinum, við RÚV.