Útlendskir ferðaleiðarar bróta lógina

Útlendskir ferðaleiðarar í stórum tali arbeiða í Føroyum uttan arbeiðsloyvi, og hetta er ein trupulleiki, sum vindur stórliga upp á seg.

"Tað er bara politiið, ið kann gera nakað við brot á útlendingalógina, so nú hevur Føroya Ferðaleiðarafelag sett sær fyri at biðja politiið um ein fund," sigur Hilda Thomsen, forkvinna í felagnum. 

Ein av føroysku ferðaleiðarunum, Randi Meitil, upplivdi so seint sum hósdagin á flogvøllinum, at har stóðu fleiri ferðaleiðarar klárir at taka ímóti útlendskum ferðafólkum.

Eftir útlendingalógini skulu útlendsku ferðaleiðararnir hava arbeiðsloyvi, um teir skulu arbeiða í Føroyum, men trupulleikin er, at tað hava teir ikki.

"Men teir ikki bara bróta lógina, men kunnu enntá vera so framligir at brúka føroyskar ferðaleiðarar sum sínar lærumeistarar," sigur Randi Meitil. 

Fordømi má til

Randi Meitil vísir á, at skal nøkur vend koma í, er neyðugt við einum fordømi, ið kann steðga floyminum av útlendskum ferðaleiðarum til Føroya:

Hilda Thomsen vónar, at ein fundur við politiið kann skunda undir, at nakað hendir:

Forkvinnan í Føroya Ferðaleiðarafelag sigur, at tað ikki longur ber til hjá útlendingunum at umbera seg við, at ov fáir ferðaleiðarar eru í Føroyum.

ferðafólk, ferðavinna, døglingur, Visit Faroe Islands