Løgtingsgrannskoðarar viðgera frágreiðing um Húsalánsgrunnin

Løgtingsgrannskoðararnir fara í morgin at viðgera spurningin, um frágreiðingin um Húsalánsgrunnin, sum Landsgrannskoðanin kom við í apríl, skal leggjast fyri løgtingið.

Verður hon løgd fyri tingið, kann hon viðgerast har.

Avgera løgtingsgrannskoðararnir at leggja frágreiðingina fyri tingið, gera teir eisini viðmerkingar um hana. 

Samanumtikið dugir Landsgrannskoðanin ikki at síggja, at Húsalánsgrunnurin hevur havt ávísan leist ella frymil fyri, hvussu viðurskiftini skulu vera, tá bygt verður saman við øðrum. 

Landsgrannskoðanin hevur latið løgtingsgrannskoðarunum frágreiðing um frávik millum játtan og nýtslu í fíggjarlógini fyri 2023.

Tann frágreiðingin verður eisini viðgjørd á fundinum hjá løgtingsgrannskoðarunum í morgin.