Festivalvaktir eiga at koma undir somu krøv sum duravørðir

Í summar hava vit hoyrt um fleiri harðligar tilburðir á tónleikafestivalum, sum seta spurnatekn við førleikarnar hjá vaktunum.

Serliga á Summarfestivalinum frættist um fleiri dømir um fólk, ið hava fingið harðliga viðferð frá vaktum. Í einum føri er ein vaktarmaður meldaður til løgregluna fyri harðskap.  

Í tíðindunum hava vit síðani hoyrt, at eingi krøv eru til vaktir á festivalum, men at krøv eru til duravørðir í náttarlívinum.  

sf_20ara_-26.jpg

Frítekst tagging: 

SF2024

Reina revsiváttan

Tað er Loyvisnevndin, sum veitir skeinkiloyvi og matstovuloyvi, ið eisini veitir loyvir til duravørðir í samstarvi við politiið.

Kravið er, at folk ikki eru dømd fyri revsiverd viðurskifti, sum kunnu ávirka arbeiði sum duravørður. 

Jóanna Djurhuus

Jóanna Djurhuus, forkvinnaí Loyvisnevndini, heldur, at vaktir til onnur tiltøk, har rúsdrekka verður skonkt, kundu komið undir somu skipan sum duravørðir.  

Loyvisnevndin arbeiðir út frá kunngerð um duravørðir frá 2020. Kunngerðin hevur støði í lógini um matstovuvirksemi frá 2018. 

Loyvisnevndin hevur givið 71 loyvir til duravørðir, og níggju umsøkjarar hava fingið noktað loyvi.