Hvørt ár bjarga íslendingar vilstum lundapisum

Á Suðurlandinum í Íslandi hava tey úr at gera hesa ársins tíð at bjarga vilstum lundapisum. 

Hvørt ár í august og september er siðvenja í Vestmannaoyggjum, at familjur fara út seint um kvøldarnar at hjálpa vilstum pisum at finna heim aftur til berg og firðir.

Tað skrivar The Atlantic. 

Villast í myrkri

Pisurnar eru ikki vanar at flúgva sjálvar, og tá hendir ofta, at tær koma "skeivt í býin" í skýmingini. 

Tær duga ikki at kunna seg í myrkri, og tí enda tær ofta við at flúgva móti ljósinum, sum tær hóma inni í býnum.  

Hetta kann hava við sær, at lundapisurnar, sum vanliga halda til í bergi og á firðum, enda við at ganga og mala á býargøtum, sum kunnu vera hættisligar.

Til alla lukku verða nógvar lundapisur hvørt ár bjargaðar av íslendingum, sum stuðla hesi siðvenju.