Privatu fyritøkurnar hava tørv á 350 starvsfólkum

Privatu fyritøkurnar í Føroyum hava í løtuni tørv á 350 starvsfólkum, og um fimm ár fara at mangla upp til 850 starvsfólk í privatu vinnuni.

Tað vísir ein nýggj kanning, sum Vinnuhúsið hevur gjørt, og sum var almannakunngjørd í morgun.

Vinnuhúsið hevur spurt 100 fyritøkur um tørvin á starvsfólki í dag og um fimm ár.

Framløga í Vinnuhúsinum

Páll Holm Johannesen leggur frágreiðingina fram. (Mynd: Vinnuhúsið)

Kanningin hjá Vinnuhúsinum vísir millum annað, at stórur tørvur er á yrkislærdum fólkum, sigur Páll Holm Johannesen, ráðgevi í Vinnuhúsinum, sum hevur havt ábyrgdina av kanningini.

Hoyr innslag í útvarpstíðindunum: 

Les kanningina her.