Meira útlát í fjør enn árið fyri

Útlátið í Føroyum vaks í fjør.

Vakstrarhúsgassini vóru 2,5 prosent fleiri, sigur Umhvørvisstovan.

Útlátið frá ídnaðinum, elframleiðsluni og øðrum skipum enn fiskiskipum vaks.

Men onnur brúktu minni olju í fjør enn í 2022.

Útlátið minkaði í 2022, men vaks so aftur í fjør.

Ídnaðurin brúkti triðingin meira olju í fjør enn í 2022.

Serliga var meira olja brúkt til at gera fiskamjøl. 

Hóast meira vindorka var í fjør enn í 2022, noyddist SEV at brúka meira olju í fjør.

Revsitiltøk gera mun

Revsitiltøkini móti Russlandi eru stór orsøk til, at sølan til útlendsk fiskiskip er minkað. 

Vera útlendsku fiskiskipini ikki tald við í føroysku útlátstølunum, er vøksturin ikki 2,5, men 5,2 prosent.    

Samanborið við 2022 bunkraðu føroysk fiskiskip fýra prosent meira olju.

Útlendsk fiskiskip bunkraðu 13 prosent minni olju. 

Og annað árið á rað var útlátið frá húsarhaldum nógv minni enn undanfarna ár. 

Akfør dálkaðu fýra prosent minni í fjør enn í 2022. 

Umhvørvisstovan hevur júst almannakunngjørt frágreiðingina Útlát av vakstrarhúsgassi í Føroyum 1990 til 2023.