- Tíðindi, mentan og ítróttur
Kunnu nú søkja um undangóðkenning at byggja røktarheim í Hoyvík
Kunnu nú søkja um undangóðkenning at byggja røktarheim í Hoyvík
Í Røktarheiminum á Stórubrekku verða búpláss, røktaríbúðir og dagtilboð
![](https://kvf.fo/sites/default/files/styles/grein-ovasta-mynd/public/roktarheim_2.jpg?itok=mmlcU03L)
Í nýggja røktarheiminum verða 64 búpláss til eldri, 16 røktaríbúðir og dagtilboð til 50 eldri, heimabúgvandi borgarar.
Mynd: Tórshavnar kommuna
04.09.2024 - 15:42
Nú er klárt hjá arbeiðstakarum at søkja um undangóðkenning at byggja Røktarheimið á Stórubrekku í Hoyvík.
Tað skrivar heimasíðan hjá Tórshavnar kommunu.
Sáttmáli varð í oktober í fjør gjørdur millum EYA og Tórshavnar kommunu, um at projektera nýggja røktarheimið.
Í røktarheiminum verða 64 búpláss til eldri, 16 røktaríbúðir og dagtilboð til 50 eldri, heimabúgvandi borgarar.
Røktarheimið verður bygt oman fyri bygningin hjá Føroya Tele á einum øki, ið er 50.000 fermetrar til víddar. Bygningurin verður umleið 6.700 fermetrar.
Umframt tilboðini til eldru borgararnar, verða stórkøkur, vaskarí, høli til fysioterapi og ergoterapi o.a. í bygninginum.
Freistin at søkja um undangóðkenning er 13. september, skrivar kommunan.
Nýggjastu sendingar í ÚV
Nýggjastu sendingar í SV