Betri: Sjey kvinnur og 11 menn vald í umboðsráðið

Sjey kvinnur og 11 menn eru vald í umboðsráðið hjá Betri.

Seinastu vikurnar hevur borið til hjá tryggingartakarum hjá Betri Trygging, at greiða atkvøðu til Umboðsráðsvalið hjá Ognarfelagi Tryggingartakaranna. 

6.479 fólk greiddu atkvøðu. Hetta eru umleið 30 prosent av øllum tryggingartakarum hjá Betri Trygging, og valluttøkan er heldur størri enn undanfarin ár.

25 valevni til 18 sessir

25 fólk stillaðu upp til teir 18 sessirnar, sum vóru tøkir til umboðsráðvalið í ár. Av teimum 18 umboðunum eru átta nývald, og 10 umboð eru afturvald.

Flest atkvøður fekk Urd Potts úr Syðrugøtu. Hon fekk 592 atkvøður. Næstflestar fekk Anita á Fríðsriksmørk, hon fekk 516 atkvøður, og triðflestar fekk Jóngerð Nielsen, hon fekk 462 atkvøður. 

Nývaldu umboðini eiga sessin í fýra ár, men longu um tvey ár verður aftur val. Tá standa tey fyri vali, sum hava sitið í tvey ár.  

Betri og umboðsráðsval