Norðmenn stovnað felag í Føroyum, sum skal útflyta fisk

Norska felagið Norwegian Seafood Company AS í Ålesund hevur stovnað partafelag í Føroyum.

Felagið eitur Faroese Seafood Company.

Tað fekk Skráseting Føroya at vita í gjár. Felagið var stovnað týsdagin. 

Felagið hevur heimstað á Óðinshædd 13 í Havn, har grannskoðaravirkið Januar er.

Í nevndini eru tríggir menn, sum allir búgva í Ålesund.

Teir eru Leif Birger Midtgård, sum er formaður, Roar Viddal Foss og Johnny André Lexau, sum eisini er stjóri.

Partapeningurin er 500.000. 

Endamál felagsins er at fáast við keyp, sølu og útflutning av fiski.