Eitt ár síðani álopið á Ísrael

Í dag er eitt ár síðan ófriðurin - ella kríggið - í Gasa byrjaði.

Tað byrjaði við einum yvirgangsálopi frá Hamas, sum leyp á fleiri mál í Ísrael, m.a. ein tónleikafestival og fleiri bústaðarøki.

Hamas, sum stendur á listanum yvir yvirgangsfelagsskapir, bæði hjá ES og USA, tók sambært ísrelskum upplýsingum 250 gíslar henda dagin fyri einum ári síðani, og umleið 1.200 fólk vórðu dripin undir álopinum.

Yvirgangsálopið hevði við sær, at Ísrael svaraði aftur við einum stórálopi á Gasageiran við tí endamáli at gera av við Hamasfelagsskapin.

Puk Damsgaard

Puk Damsgaard. (Mynd: DR)

Júst tað hevur ikki eydnast so væl, tí hóast tær flestu deildirnar hjá Hamas eru viknaðar, er felagsskapurin enn virkin, og stuðulin til Hamas er øktur, sigur Puk Damsgård, sum er korrespondentur hjá DR í Miðeystri:

Ísraelski herurin hevur annars í morgun dripið fýra fólk í libanesiska býnum Srifa, skrivar the Guardian á heimsíðu síni.

Ísraelski herurin hevur ikki gjørt viðmerkingar til álopið, sum tí ikki er váttað.