Greiðar karmar og kós fyri vitlíki

Fyrr kundi tú vænta apríl-søgur eina ferð um árið. Nú, vitlíkistíðin er yvir okkum, er tað gerandiskostur at síggja falskar myndir og villleiðandi greinar á netinum. 

Millum annað hetta var borið fram á miðlaráðstevnu, sum Kringvarpið, Fjølrit og Felagið føroysk bókaforløg skipa fyri í dag.

Ein av fyrilestrarhaldarunum var Jákup Brúsá, sum er serkønur í sosialum miðlum. Hann vísti á, at fleiri lond eru farin at gera lógir fyri, hvussu vitlíki kann nýtast. 

Eitt nú hevur ES samtykt AI-lóggávu í august í ár. 

Her hjá okkum er sami tørvur sum aðrastaðni. 

Áheitan á politikarar

Í september skrivaðu níggju føroyskir stjórar fyri stovnar og felagsskapir undir almenna áheitan á politisku myndugleikarnar, um at seta vitlíki á breddan politiskt.

Í áheitanini verður m.a. sagt, at “Vit standa fyri eini kollvelting. Mál, mentan, skúli, heilsuverk, almenn fyrisiting, fíggjargeirin og vinnan eru bara nøkur av økjunum, sum standa fyri stórum broytingum, - broytingar sum kunnu ávirka karmarnar fyri fólkaræðið í sjálvum sær.”

Hoyr samrøðu sum Jógvan Skeel Nolsøe gjørdi við Jákup Brúsá, sum var gestur í útvarpsstovuni: