Nýggi nevndarformaðurin skal fáa Posta aftur á beint

Árni Ellefsen, fyrrverandi stjóri í Føroya banka, er nýggjur nevndarformaður í Posta. 

Á eykaaðalfundi mikudagin í partafelagnum Postverk Føroya var samtykt, at nevndarformaðurin, Joen Magnus Rasmussen, fór úr nevndini, og at Árni H. Ellefsen kom í nevndina. 

Nevndin hevur skipað seg við Árna Ellefsen sum formanni.

Bjarni Kárason Petersen

Bjarni Kárason Petersen.

Landsstýrismaðurin í lógarmálum, Bjarni Kárason Petersen,  sigur, at neyðugt er at tillaga felagið, og Árni Ellefsen hevur hollar royndir, bæði úr vinnulívinum og sum nevndarlimur og formaður.

Hann sigur, at avbjóðingar eru í Posta, og nýggi nevndarformaðurin skal vera við til at fáa Posta aftur á beint.

Árni Ellefsen

Árni Ellefsen. 

Bjarni Kárason Petersen, landsstýrismaður, hevur boðað nevndunum í almennum partafeløgunum frá, sum hann varðar av, at lønarstigið skal niður, og  at meginreglur vera fyri nevndarsamsýningini í hesum feløgum.

Hoyr samrøðu við Bjarna Kárason Petersen í útvarpstíðindunum: 

Árni Ellefsen sigur í stuttari viðmerking, at hetta er spennandi og avbjóðandi starv, har hann, saman við nevndini, framhaldandi skal betra raksturin hjá Posta.