Óvissur skulu kannast nærri áðrenn farið verður undir Suðuroyartunnil

Tað eru fleiri týðandi óvissur, ið Landsverk mælir til verða kannaðar nærri, áðrenn farið verður undir at gera ein Suðuroyartunnil.

Tað er ikki bara Landsbankin, ið finst at, at farið verður í gongd at gera ein Suðuroyartunnil, tá ið so nógv ivamál eru um prísin, og tí at tað er ikki haldføri í búskapinum at fara ígongd við risastóru verkætlanina. 

Landsverk er biðið at gera eina sokallað trýstroynd av prísinum, sum Eystur- og Sandoyartunlar siga, at Suðuroyartunnilin fer at kosta.

Ein trýstroynd er ein viðkvæmisgreining, har tøl og onnur viðurskifti verða samanborin við - í hesum føri aðrar tunnilsætlanir. 

Tunnilsfelagið sigur - og tað er tað sama sum løgmaður hevur sagt - at Suðuroyartunnilin fer at kosta fýra milliardir krónur. 

Men tá ið Landsverk hevur gjørt eina trýstroynd av tølunum, vísir úrslitið, at tunnilin næstan fer at kosta eina milliard meira, tvs. 4,9 milliardir. Tað er eitt frávik á 27 prosent.

Hoyr samrøðu við Brand Sjúrðarson, búskaparfrøðing og greinara í Landsverki: