Valið í Oyndarfirði er meldað til løgregluna

bannari
Valið í Oyndarfirði er meldað til løgregluna
Jonhard Danielsen, ið stillaði upp á lista A til kommunuvalið í Runavíkar kommunu, hevur meldað. Kærugongdin er annars tann, at kærast skal til bý- ella bygdaráðið
Valið í Oyndarfirði er meldað til løgregluna. (Savnsmynd)
 
15.11.2024 - 13:24

Valið í Oyndarfirði er meldað til løgregluna í Norðurøkinum.

Tað váttar Jan Poulsen, løgreglumaður, fyri Kringvarpinum.

Jonhard Danielsen, ið var uppstillaður á lista A til kommunuvalið í Runavíkar kommunu, og sum valkvøldið var skrásettur at hava fingið 102 atkvøður, hevur meldað málið til løgregluna.

Tað váttar hann  fyri Kringvarpinum.

 

Jonhard Danielsen.

 

Misti eina atkvøðu

Tá valnevndin dagin eftir valið gjøgnumgekk atkvøðurnar, misti Jonhard Danielsen eina atkvøðu, og tí kom at standa á jøvnum millum Jonhard Danielsen og Jóhan Vest, sum tí báðir endaðu á 101 atkvøðu. 

Tá so er, sigur lógin um val til kommunustýri, at lutakast skal vera, og tað lutakastið vann Jóhan Vest.

Tá atkvøðurnar í Oyndarfirði vóru taldar upp valkvøldið, hevði Jonhard Danielsen fingið tríggjar atkvøður. Men tá valnevndin taldi upp dagin eftir, var ein atkvøða hjá Jonhardi Danielsen vrakað, tí hon var ógildug.

Kringvarpið hevur tosað við formannin í valstýrinum í Oyndarfirði, Bárð Árnason, og Alice Frederiksberg, sum er forkvinna í valnevndini í Runavíkar kommunu. Valnevndin í Runavíkar kommunu hevur yvirskipaðu ábyrgdina av kommunuvalinum og stendur fyri fínteljingini. 

 

Jóhan Vest. (Mynd: dimma.fo)

 

Lutakast

Bárður Árnason sigur, at hann sá, at ein atkvøða hjá Jonhardi Danielsen var ivasom, men at hon kortini var løgd saman við teimum gildugu atkvøðunum til valnevndina at taka støðu til.

Og tað gjørdi valnevndin, váttar Alice Frederiksberg, sum tó ikki vil gera samrøðu við Kringvarpið.

- Tá vit taldu atkvøðurnar upp dagin eftir, var ein atkvøða, sum var ógildug, og hon var tí ikki tald við, sigur hon.

Tað hevði so við sær, at atkvøðutalið broyttist, og at lutakast mátti til.

Málið er meldað til løgregluna, sum skal taka støðu til málið.

Sambært grein 23 í lógini um val til allar føroyskar kommunur, er kærugongdin tann, at kærarin í seinasta lagi átta dagar eftir, at valið er gjørt endaliga upp, skrivliga skal seta fram mótmæli sítt fyri bygda(r)ráðnum/býráðnum, sum so í seinasta lagi 10 dagar eftir at freistin er farin, skal taka avgerð.
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592