Fjallasúkklukapping: Stuttleikin og felagsskapurin í hásæti

Síðsta umfar av vetrarkappingini í fjallasúkkling var í kavanum í Hoydølum um vikuskiftið, og tað var Óli Hansen, sum var fyrstur á mál, meðan Uni Heðinsson vann vetrarkappingina samanlagt.

Fjallasúkklingin snýr seg kortini um nógv meir enn sjálva kappingina, og um hvør endar nummar eitt, tvey og trý.

 - Tað er ikki endiliga tað, vit ganga hægst upp í, sigur Bartal í Gongini, fyriskipari.

Stuttleikin og felagsskapurin hevur minst líka nógvan - um ikki størri týdning fyri íðkararnar.

 - Vit ganga hægri upp í, at tað koma nógv fólk, at vit hava tað stuttligt og møtast, greiðir Bartal í Gongini frá.