- Tíðindi, mentan og ítróttur
Tilflytarar skulu til integratiónssamrøðu og hava málundirvísing
Føroyar fáa nú sína fyrstu integratiónslóg.
Bjarni Kárason Petersen, landsstýrismaður í lógarmálum, hevur lagt uppskot um ntegratiónslóg fyri tingið.
Sambært nýggju lógini skulu tilflytarar millum annað hava málundirvísing og integratiónssamrøðu, fyri at fáa varandi uppihaldsloyvi.
Í seinasta lagi 1. juli skulu allar kommunur í landinum hava integratiónssamskipara, tó kann tað vera í samstarvi við aðrar kommunur.
Fía Lindenskov, integratiónssamskipari í Tórshavnar kommunu, sigur, at tað er ein fyrimunur, at kommurnar fáa upplýsingar um allar tilflytarar í kommununi, og kunnu seta seg í samband við tey.
Integratiónslógin var evnið í Breddanum fyrrapartin:
Umframt Fíu Lindenskov vóru Tórbjørn Jacobsen, formaður í Kommunufelagnum, David Im, integratiónssamskipari á Útlendingastovuni, og Bjarni Kárason Petersen, landsstýismaður, í Breddanum.
