Fimm tær bestu: Rakul Wardum-bjarging á topplistanum hjá EHF

Rakul Wardum átti stóran leiklut í, at Føroyar komu aftur í aftur í seinna hálvleiki ímóti Sveis í gjár. 

Hon mestsum stongdi málið ta einu løtuna, og tá føroysku kvinnurnar samstundis fingu glið á álopsspælið, var sera nær við, at tær rukku upp aftur á javnt eftir ein vánaligan fyrra hálvleik.

Eina løtu var bert tað eina málið á muni, men tíverri komu Føroyar ikki nærri enn tað, og taptu 28-25 ímóti vertstjóðini, sum honvegin fekk sín fyrsta EM-sigur.

Ein lítil troyst fyri Rakul Wardum er kanska, at ein av hennara bjargingum er komin á topp-fimm listan hjá EHF á 2. leikdegi. Hon bjargaði annars átta av 20 royndum, sumn gevur henni eitt bjargingarprosent upp á 40.