Peningastovnarnir nógv betri úrslit í fjør

Úrslitið fyri skatt hjá peningastovnunum í Føroyum var nógv betri í fjør enn undanfarin ár.

Framgongd í grundrakstri, kursjavning og lítlar niðurskrivingarnar eru orsøkin, skrivar Landsbankin.

Vøksturin í grundrakstrinum stavar í stóran mun frá øktum nettorentuinntøkum. 

Nettorentuinntøkur er munurin millum rentuinntøkur frá útlánum og rentuútreiðslum á innlánum. 

Norðoya sparikassi, Norðoya Sparikassi

Noroya sparikassi hevði slakar 50 milliónir í avlopi fyri skatt í fjør.

Nettorentuinntøkurnar eru øktar seinastu tvey árini, tí peningastovnarnir hava hækkað útlánsrentuna meira enn innlánsrentuna.

Men inntøkurnar frá ómaksgjøldum eru minni.

Úrslitið fyri skatt var 379 mió. kr. hjá Føroya banka í fjør, tað var 347 milliónir hjá Betri, 48,4 hjá Norðoya sparikassa og 7,4 hjá Suðuroyar sparikassa.