Umstríddur forseti vitjar Danmark

Forsetin í Egyptalandi, Abdel Fattah al-Sisi, er í dag komin á almenna vitjan í Danmark. 

Vitjanin byrjaði á Amalienborg fyrrapartin, har kongshjúnini Fríðrikur og Mary, tóku ímóti.

Seinni í dag  fer al-Sisi at hitta Lars Løkke Rasmussen, uttanríkisráðharra.

Fleiri mannarættindafelagsskapir finnast hvassliga at Abdel Fattah al-Sisi. 

Talan er um ein einaræðisharra, sum ikki virðir mannarættindi, ljóðar eitt nú skotsmálið frá Amnesty International.

Í 2021 heittu 30 lond, teirra millum Danmark, gjøgnum ST á Egyptaland um at gevast við álopum á politisku andstøðuna í landinum, atfinningarsomum røddum og journalistum. 

Tvey ár frammanundan, í 2019, mettu mannarættindafelagsskapir, at umleið 60.000 politiskir fangar sótu í Egyptalandi.