Sirið Stenberg tekur uppskot um arbeiðsfremjandi tiltøk aftur

Málið um arbeiðsfremjandi tiltøk verður tikið aftur.

Sirið Stenberg, landsstýriskvinna í almanna- og mentamálum, hevur í morgun boðað løgtinginum frá, at hon tekur uppskotið aftur.

Uppskotið, sum hevur verið til viðgerðar í trivnaðarnevndini, skuldi koma til aðru viðgerð á tingfundinum í dag.

Sirið Stenberg sigur í tíðindaskrivi, at hon ásannar, at eitt so stórt mál krevur meiri viðgerð, aðrenn broytingar verða gjørdar.

- Uppskot um arbeiðsfremjandi tiltøk ger stór inntriv í gerandisdagin hjá fólki, og eigur tí ikki at vera partur av einari fíggjarlóg. Málið krevur eina størri viðgerð, og tí er málið tikið aftur, sigur Sirið Stenberg.