Uppskot um nettrygd kemur í løgtingið í vár

Nú hevur landsstýrið gjørt uppskot um nettrygdarlóg.

Og tað er sent til hoyringar. Freistin er 27. januar.

Uppskotið byggir á nettrygdarætlanina, sum landsstýrið kom við fyri einum góðum ári síðani.

Í henni eru átta strategisk mál og 20 átøk, sum skulu røkkast í tíðarskeiðinum 2024-2026. 

Í uppskotinum um nettrygdarlóg er ein nettrygdardepil.

Hann skal samskipa nettrygdina í Føroyum og hava eftirlit við, at kjarnutænastur í Føroyum eru vardar.

Uppskotið byggir á tvær ES-fyriskipanir og danska lóggávu.

Uppskot um nettrygdarlóg verður ætlandi lagt fyri løgtingið í vár.