Samuel Johansen Chukwudi seldur til finska felagið SJK Seinäjoki

HB boðar í dag frá, at felagið hevur selt landsliðsmiðverjan Samuel Johansen Chukwudi til finska felagið SJK Seinäjoki, sum spælir í bestu finsku deildini.

Sambært HB, so er Samuel Johansen Chukwudi er farin til Finnlands, og at sáttmálin er undirskrivaður.

Fíggjarligu viðurskiftini verða ikki almannakunngjørd, staðfestir HB. 

HB ynskir Samuel Johansen Chukwudi alt tað besta í framtíðini, og felagið er eisini errið av, at tað enn einaferð hevur fostrað ein spælara, sum kann fara út í heimin at spæla yrkisfótbólt.

Herfyri seldi HB blaðunga stórtalentið, áleyparan Dávid Reynheim, til italska felagið Torino, og landsliðsmiðvallaran, Hanus Sørensen,  til slovenska felagið NK Celje.