Ísland: Bjarni Benediktsson gevst í politikki

Bjarni Benediktsson stillar ikki uppaftur sum formaður í Sjálvstæðisflokkinum á komandi landsfundinum. Samstundis boðar hann frá, at hann leggur sessin í Altinginum frá sær.

Bjarna Benediktson boðaði frá hesum seinnapartin á sínum facebook-vanga.

Sostatt verður formansskifti í Sjálvstæðisflokkinum  í næstum.

Formaður síðani 2009

Bjarni Benediktson var fyrstu ferð valdur í Altingið fyri Sjálvstæðisflokkin á vári 2003. Hann var fyrstu ferð formaður í flokkinum í 2009, tá ið Geir Haarde legði frá sær.

Fyrstu árini var Sjálvstæðisflokkinum í andstøðu, men eftir tað var flokkurin altíð í stjórn undir hansara leiðslu.

Fyrst saman við Framsóknarflokkinum frá 2013 til 2017, síðan eitt stutt tíðarskeið saman við Viðreisn og Bjartari Framtíð, til Vinstru-grønu og Framsóknarflokkurin sótu við valdið saman við Sjálvstæðisflokkinum frá 2017 til 2024.