Gluggavarpið: Treytaða fongsulsrevsing í fimm mánaðir

Ein maður er í Føroya rætti dømdur treytaða fongsulsrevsing í fimm mánaðir í sambandi við málið um Gluggavarpið.

Løgreglan fekk í mai 2020 fráboðan um Gluggavarpið, sum bjóðaði út sjónvarpsrásir úr øllum heiminum.

Fráboðanin kom úr einum øðrum landi enn Føroyum.

Og í juni 2022 var ein maður skuldsettur í málinum og síðani ákærdur fyri at bróta eina grein í revsilógini um upphavsrætt.

Ákæruvaldið kravdi treytaleyst fongsul í fimm mánaðir.

Maðurin noktaði seg sekan.

Dómsfólk vóru ikki við í viðgerðini hjá Føroya rætti, so kravið hjá ákærduvaldinum kundi tí ikki fara upp um seks mánaðir.

Gluggavarpið hevði 300 viðskiftafólk.