Søkja aftur eftir løgfrøðingi

Klaksvíkar kommuna, sum fyri einum mánaði síðani søkti eftir løgfrøðingi til stjórnarskrivstovuna, søkir nú aftur eftir løgfrøðingi.

Starvið snýr seg um at veita løgfrøðiliga ráðgeving og sparra við leiðslu, starvsfólkaeind og onnur í kommununi. 

Eisini fevnir tað um samskifti við uttanhýsis aktørar, herundir almennar stovnar, Kommunufelagið og viðkomandi myndugleikar.

Ábyrgd av dátuvernd
Løgfrøðingurin skal menna mannagongdir og ráðgeva starvsfólkum í ymiskum málum, so sum um málsviðgerð og alment innlit.

Eisini skal løgfrøðingurin hjá Klaksvíkar kommunu hava yvirskipaðu ábyrgdina av dátuverndarøkinum.

Freistin at søkja starvið er 6. februar.