Vegamót: Varpa ljós á støðuna í ríkisfelagsskapinum

Støðan í ríkisfelagsskapinum er á skránni í kvøld, tá umboð fyri allar politisku flokkarnar vera í sjónvarpinum eftir Dag og Viku. 

Við pallborðið vera: Aksel V. Johannesen, løgmaður og formaður í Javnaðarflokkinum, Bárður á Steig Nielsen, formaður í Sambandsflokkinum, Beinir Johannesen, formaður í Fólkaflokkinum, Sirið Stenberg, forkvinna í Tjóðveldi, Ruth Vang, forkvinna í Framsókn, og Steffan Klein Poulsen í Miðflokkinum. 

Løgmaður hevði fund við forfólkini í síðstu viku í eini roynd at fáa eina semju, hvussu farast skal fram í málinum um ríkisrættarligu støðuna, og sum ætlanin er at leggja fyri ríkisfundin í summar. 

Fleiri fundir verða seinni. 

Ætlanin við sendingini í kvøld, sum hevur fingið navnið Vegamót, er at flyta kjakið av politiska pallinum og út til fólkið, sigur John Johannessen, sum verður vertur í sendingini, í samrøðu við Hall av Rana: