Torførari at søkja um friðskjól í Týsklandi

Eitt uppskot um at burturvísa asyl-umsøkjarar við týska markið er í dag við teprum meiriluta samtykt í týska samveldistinginum. 

Uppskotið er ikki bindandi.

Konservativa andstøðan við CDU og CSU legði fram uppskotið við stuðli frá m.a. flokkinum Alternativ fúr Deutschland. 

Hetta er beint ímóti eini óskrivaðari reglu, sum hevur verið í gildi í longri tíð, um ikki at samstarva við AfD-flokkin, sum er fíggindasinnaður móti tilflytarum. 

Undan atkvøðugreiðsluni segði týski samveldiskanslarin Olaf Scholz seg vera ímóti uppskotinum.

Uppskotið varð samtykt við 348 atkvøðum fyri og 345 í móti. 

10 tinglimir atkvøddu ikki.