Eingin minking í vakstrarhúsgassum

Havfrøðingurin, Bogi Hansen, ilskast inn á politisku skipaninna, sum sigur, at tað gongur væl at seta í verk átøk á orku- og veðurlagsøkinum. 

Løgtingið samtykti einmælt í 2009, at útlátið av vakstrarhúsgassum úr Føroyum skuldi minka 20 prósent í árunum 2010-2020, í mun til útlátið í 2005.  Enn er tó eingin minking at hóma, vísur Bogi Hansen á.

Vit hoyra ofta í almanna rúminum, at grøna orkuframleiðslan á landi er 50%, tað ljóðar gott, men er ikki sannheit, greiður Bogi Hansen eisini frá.