FNU: Lækkið ikki partafelagsskattin hjá oljuleitingarfeløgum

Føroya náttúru- og umhvørvisfelag, FNU, mælir staðiliga frá at lækka partafelagsskattin hjá feløgum, sum vilja leita eftir olju undir Føroyum.

Tað ger felagið í hoyringssvarið, nú Fíggjarnevndin hjá løgtinginum í løtuni viðger eitt uppskot hjá andstøðuflokkunum um at lækka kolvetnisskattin úr 27 prosentum niður í 18 prosent, sum er vanligur partafelagsskattur.

Orsøkin, sum er at fáa føroyska oljuvinnu í gongd, er bæði óskiljandi og ábyrgdarleys, sigur FNU.

Føroyar millum størst CO2 útlát

FNU sigur, at veðurlagsvísindi sigur greitt, at skulu vit megna at avmarka hækkandi miðalhitan til at vera undir hálvumøðrum stigi, má heimurin steðga olju- og gassútvinningi skjótast gjørligt.

Føroyar er millum tey lond í heiminum, sum hava størst CO2 útlát fyri fólkið, sigur FNU. 

"Vit hava tí serliga ábyrgd at ganga undan í grøna orkuskiftinum."

Men hetta uppskotið um at lækka kolvetnisskattin fer beint øvuta vegin, sigur Føroya náttúru- og umhvørvisfelag.