Frítekst tagging:
- Tíðindi, mentan og ítróttur
Landsgrannskoðanin fingið 27 varskógvarafráboðanir
Landsgrannskoðanin fingið 27 varskógvarafráboðanir
Fimm fráboðanir eru farnar til viðgerðar, og tær snúgva seg m.a. um próvtøkusvik og kynsligan ágang
Ruth Vang, landsstýriskvinna, hevur skrivað frágreiðing um varskógvaraskipanina.
Mynd: Bárður Lydersen
19.03.2025 - 08:11
Síðani varskógvaraskipanin kom 1. mars í 2019 hevur Landsgrannskoðanin fingið 27 fráboðanir.
Fimm fráboðanir eru farnar til viðgerðar.
Tvær eru um millum annað próvtøkusvik, ein um kynsligan ágang, ein um starvssetan og ein um fíggjarviðurskifti og útbjóðing.
Í trimum málum er niðurstøðan, at varskógvingin fær ikki avleiðingar fyri stovnin, sum varskógvað er um.
22 fráboðanir eru ikki farnar víðari.
Ónavngivnar fráboðanir
Níggju ónavngivnar fráboðanir eru komnar. Tær eru avvístar, tí varskógvarin er dulnevndur.
Seks fráboðanir eru avvístar, tí varskógvarin ikki starvast í almennu fyrisitingini.
Tað stendur í frágreiðingini um varskógvaraskipanina, sum Ruth Vang, landsstýriskvinna, legði fyri løgtingið í gjár.
Riggar eftir ætlan
Fíggjarmálaráðið heldur, at skipanin riggar eftir ætlan.
Einki bendir á, at nakað mál hevur havt avleiðingar fyri varskógvaran.
Fíggjarmálaráðið mælir til at halda fram við verandi skipan.
Aðalorðaskifti um frágreiðingina um varskógvaraskipanina verður í morgin.
Er kopiera
Nýggjastu sendingar í ÚV
Nýggjastu sendingar í SV
