Frítekst tagging:
- Tíðindi, mentan og ítróttur
Útlendsku flogfeløgini flúgva nú eisini til Føroya
Útlendsku flogfeløgini flúgva nú eisini til Føroya
Widerøe og SAS hava tikið flúgvingina uppaftur, og Icelandair fer at flúgva í næstu viku
Widerø og SAS flúgva nú aftur til Føroya.
Mynd: Bjarni Árting Rubeksen
04.04.2025 - 10:32
Tey trý útlendsku flogfeløgini fara nú aftur at flúgva til Føroya.
Widerøe og SAS hava tikið flúgvingina uppaftur, og Icelandair fer at flúgva í næstu viku.
SAS og Icelandair hava fleiri bíleggingar í ár enn í fjør, og tey vænta sær nógv av sumrinum, sigur Regin I. Jakobsen, stjóri í Vága floghavn.
Icelandair tekur Føroya-flúgvingina uppaftur í næstu viku. (Mynd: Bjarni Árting Rubeksen)
Útlendsku flogfeløgini flúgva til 1. november.
Vága floghavn vil hava útlendsku flogfeløgini at flúgva alt árið.
Widerøe og Iclandair hava ikki RNP-skipanina, sum SAS og Atlantsflog brúka. RNP-skipanin ger tað møguligt hjá flogførum at seta seg í verri veðri enn annars.
Norska flogfelagið, Widerøe, hevur sagt, at tey umhugsa eisini at flúgva til Føroya um veturin, um tey fáa neyðugu útgerðina, sum loyvir teimum at brúka RNP-skipanina í flogførum sínum.
Er kopiera
Nýggjastu sendingar í ÚV
Nýggjastu sendingar í SV
