Hans Johannus 1

Urd Johannesen, mentanarleiðari í Runavíkar kommunu, og Eyðvør á Dunga frá Visit Runavík, eru báðar spentar uppá mentanarvikuna, ið verður hildin í øllum bygdunum í kommununi, og á skránni er eitt sindur av hvørjum.

Fýra listafólk fara at mála portrettmyndir av fýra kendum fólkum, og tað verður við áskoðarum, deksbáturin Grinkil og Føroyaklettur fara at sigla á Skálafjørðinum, Ósbjørn Jakobsen fer at siga frá um miðbýarætlanina í Runavík, Mads Langer fer at hava tvær konsertir, har av onnur er útseld og hin næstan, í Gulu Smiðju verður høvið at hoyra tónleikabólkar, ið hava tilknýti til Guli Smiðju og ungdómshúsini aðra staðni í Føroyum, og nógvar og fjølbroyttar framsýningar verða eisini á skránni fyri bara at tríva í stóru rúgvuna av tiltøkum, ið verða á mentanarvikuni.

Øll skráin sæst á mentanarvikan.fo

Tú kanst hoyra samrøðuna við Urd Johannesen og Eyðvør á Dunga her: