5 ára gamli Jósef hugsar um jørðina

Tað kann vera bæði stuttligt og hugaligt at hugsa burðadygt. Tað heldur 5 ára gamli Jósef Rasmussen, sum í dag fór ein túr á Klaksvíkar bóksavn at býta um leikur, nú tey í hesum døgum varpa ljós á endurnýtslu. 

"Býta leikur dagur" byrjaði í Klaksvík í dag - og endamálið er at varpa ljós á tey 17 heimsmálini, har bæði burðadygd og endurnýtsla eru lyklaorð, sigur Annika Egholm, sum er leiðari á bókasavninum. 

"Tað kann seta nakrar tankar í sving hjá børnunum um, hví vit eru burðadygg, og hví tað er gott", leggur hon aftrat.

Og tað er nevniliga júst tað, sum tað hevur gjørt hjá unga gøtumanninum. Tí um leikurnar bara fóru í skrell, so verður jørðin og luftin skitanari, fortaldi hann fyri ommu sínari, sum var við honum á bókasavninum.