VIKUKJAKIÐ: Hol, ljós og røringur

Skulu vit ikki tola, at kritiskt ljós verður kastað á eina so stóra verkætlan, sum Suðuroyartunnilin er? Er tað ikki í lagi, at røringur kemur í, tá ið fólkaræðið tekur stórar avgerðir, sum ávirkar alt fólkið nógv ár frameftir?

Vikukjakararnir settu hvør sítt orð á vikuna, sum fer, og tey vóru: Hol. Ljós. Røringur.

Tey, sum kjakaðust, vóru Steinar Patursson, Maria Ziskason og Dagfinn Olsen.

Stóra kjakevnið hesa vikuna var øllum kunnugt Suðuroyartunnilin. Skulu vit hava ein Suðuroyartunnil, sum er nógv tann størsta verkætlan nakrantíð í Føroya søgu. Kjakast var um onkur av ivamálunum, og tann týdning, sum Suðuroyartunnil fer at fáa.

Arbeiðarafeløgini hildu altjóða stríðsdagin 1. mai, og tey fóru illa við politisku skipanini. Kjakararnir hildu sum við ein munn, at arbeiðaradagurin framvegis er viðkomandi.

Í USA hevur Donald Trump sitið við valdið í 100 dagar, og hóast hann heldur hetta vera bestu fyrstu 100 dagarnir hjá einum forseta nakrantíð, vóru kjakluttakararnir ikki eins fegnir um avrikini.

Hoyr alt vikukjakið her