Pensjónsmálið og Suðuroyartunnilin skulu avgreiðast í dag

Løgtingsfundur byrjar klokkan hálvgum tíggju fyrrapartin, og fýra mál eru á skránni. 

Tey bæði fyrstu eru málini um broyting í lógini um almannapensjónir, og tey vera viðgjørd undir einum.

Tey snúgva seg um at broyta pensjónsaldurin og at víðka lógina til eisini at umfata eina tíðartreytaða pensjón, sum kann tillutast fólki, sum frá tí fylta 16. árinum í minsta lagi í 50 ár hava verið arbeiðsvirkin.

Triðja málið er málið um broyting í lógini um íleggingargrunnin fyri Føroyar, og tað fjórða er málið um Suðuroyartunnilin.

Málini vórðu viðgjørd í løgtinginum, áðrenn tað fór í summarfrí, men tá tað ikki eydnaðist at fáa málið um Suðuroyartunnilin samtykt, áðrenn tingið skuldi fara til hús, var viðgerðin av øllum fýra málunum útsett til í dag, tí tey eru knýtt saman. 

Tá avgerðin um at útseta viðgerðina til í dag varð tikin, varð róð framundir, at hetta kundi fáa avleiðingar, til dømis at okkurt fór at henda, eitt nú við málinum um Suðuroyartunnilin, í tíðarbilinum til tingið kom saman aftur. 

Árni Gregersen, viðmerkjari,  var í útvarpsstovuni í gjár, og hann segði millum annað: