Lutakastið hjá hondbóltskvinnunum í dag

Í dag verður greitt, hvørjum føroyska hondbóltslandsliðið við kvinnum skal spæla ímóti í HM-endaspælinum, sum verður í Hollandi og Týsklandi í vetur.

Lutakastið verður klokkan 17.00 seinnapartin.

Føroyar eru í styrkisbólki 3, og longu nú er avgjørt, at føroyingarnir skulu spæla ímóti Montenegro úr ovasta styrkisbólki. Dystirnir hjá Føroyum í bólkaspælinum vera í býnum Trier, sum liggur vestarlaga í Týsklandi nær við markið til Luksemborg. 

Sostatt skulu mótstøðuliðini úr bólki 2 og 4 finnast. 

07_pernille_b_liselotte_sabroe.jpg

Frítekst tagging: 

Ítróttur

Hondbóltur

Føroyar

A-landsliðið í hondbólti

Pernille Brandenborg

Maria Pálsdóttir Nólsoy

Kenningar í næstovasta bólki

Pólland, Brasil, Serbia, Rumenia, Sveis, Spania, Eysturríki og Angola eru í næstovasta styrkisbólki. Ilt er at taka dagar ímillum hesi liðini, men Føroyar vóru nær við at fáa eitt gott úrslit ímóti Sveis í fyrsta dystinum í EM-endaspælinum síðsta vetur. 

Rumenia og Eysturríki hava eisini vunnið á Føroyum í tjúgunum, men føroyska liðið er ment nógv síðstu árini, og tí er ivasamt, hvørjar - um nakrar - niðurstøður kunnu gerast út frá hesum úrslitunum.

Spennandi møguleikar í bólki 4

Nógv meira kalla eksotisk lond eru í bólki fýra. Londini í niðasta styrkisbólkinum eru Egyptaland, Uruguay, Kasakstan, Paraguei, Iran, Kuba, Kina og Kroatia. Føroyar hava góð minni frá søguliga EM-javnleikinum ímóti Kroatia, men hetta er kortini liðið, sum helst ikki skal koma úr pottinum saman við Føroyum. Trý lið koma víðari úr hvørjum bólki til HM-endaspælið, og tí kann eitt heppi lutakast geva føroyingunum góðan møguleika. Eydnast tað at spæla seg víðari, skulu Føroyar í miðumfarið, sum verður í Dortmund.

Føroyar - Litava, kvinnulandsliðið í hondbólti, hondbóltur

Frítekst tagging: 

Føroyar - Litava

Kvinnulandsliðið í hondbólti

Hondbóltur

Bjarni Árting Rubeksen