Plantulundin á Dølum

Tey planta trø, seta eplir niður og byggja vakstrarhús.

Serbreytin í miðnámsskúlanum á Kambsdali hevur í longri tíð arbeitt við at gera plantulund kring skúlan. Tey nevna hana Plantulundin á Dølum.

Hetta er ein liður í at skapa eina fjølbroytta undirvísing, har tey ikki bara sita inni og lesa og rokna. Í plantulundini eru tey nógv úti, tey læra um náttúruna, og so skulu tey eisini samstarva um at skapa nakað.

Næmingarnir lata væl at. Tað er arbeiði til allar hendur. Meðan summi dáma væl at fáa grønar fingrar, so eru onnur, sum eru meira til tað handaliga arbeiði.

Morgunsendingin vitjaði Plantulundina á Dølum. Alt innslagið kann hoyrast her: