Hagstovan spyr um fíggjarstøðuna hjá húsarhaldunum

Hagstovan hevur sett 750 húsarhaldum 16 spurningar um føroyska búskapin og um fíggjarstøðuna hjá húsarhaldinum.

Í seinastu kanningini, sum var gjørd í vetur, og í teimum seinastu kanningunum undan henni, var ein góður fjórðingur av húsarhaldunum, sum søgdu seg júst fáa endarnar at røkka saman. 

Okkurt um 60 prosent siga seg spara nakað upp. 

Hóast stóran prísvøkstur seinastu trý árini eru ikki fleiri, sum siga seg mugu læna pening. 

Nú verður so kannað, hvussu støðan hjá húsarhaldunum er í juni 2025.

Konjukturkanningar

Seinni í juni vera slíkar kanningar, sum eita konjunkturkanningar, gjørdar um tilfeingisvinnuna, tænastuvinnuna, handilsvinnuna og byggivinnuna, skrivar Hagstovan.

Sambært lóg er krav at svara.

Konjunkturbarometrið gevur ábending um búskaparútlitini í Føroyum.

Í konjunturbarometrinum, sum verður gjørt eftir úrslitunum í kanningunum, viga húsarhaldini 20 prosent og vinnan vigar 80 prosent.