DM-bronsu og nýtt mett

Julian Gregersen fekk bronsu í kappingini um danska meistaraheitið í 5 kilometrum á landavegi og setti samstundis nýtt føroyskt met.

Kappingin var í Aalborg í gjár, og klaksvíkingurin úr Treysti kom á mál við tíðini 14:52 minuttir. 

Tað er ikki meir enn ein góð vika síðan, at Julian Gregersen tók 32 ár gamla metið hjá Albert Marna Joensen á sama teini. 

Hetta var í kapping í London við, og tá var tíðin 15:05. Tá segði hann við Kringvarpið, at nýggja málið var at koma undir 15 minuttir, og tað hevur hann so klárað nú.

Næsta kappingin hjá langteinarennaranum er oyggjaleikirnir á Orknoyggjum, sum verða frá 12. til 18. juli.